Aaaah, hai voglia d’aspettà, hanno passà nu guaje sti nuvità,

ce hanno spugliato annuro mano mano, quanta mariuoli so passate ‘a ‘ccà

 

Piglia ‘a ’ccà, acchiappa ‘a ‘llà

ce rimasto sulo poco a fà, ce ammo arrangià.

Arruobba ‘a ‘ccà, arruobba ‘a ‘llà

tanto ‘ncè sta niente ‘cchiù ‘a piglià, pure a pavà.

 

Mamma mà, che magna mà ce hanno fatto, e già,

quanno p’ogni vota ‘o regno affunnaje

 

 

Viene, acchiappa, piglia e fuje, nun è ‘rrobba toja.

Gira e avuote, niente lassa, chest’è ‘a leggia toja

Viene, acchiappa, piglia e fuje

Gira e avuote, niente lassa chest’è ‘a legge toja

 

Afferra ‘a ‘ccà, puorte ‘a ‘llà

quanta cose belle stanno ‘ccà, senza pavà.

Passa ‘a ‘ccà, fuje ‘a ‘llà,

nuje ca stammo ‘ccà, po sempe ‘llà l’amma piglià.

 

Mamma mà, che libbertà ce hanno dato, e già,

‘mbruoglie a quantità p’è terre arrubbà

 

Mamma mà, che nuvità ce hanno miso, e già,

tutt’’a strana gente ch’è venuta ‘ccà

 

Viene, acchiappa, piglia e fuje.

Gira e avuote, niente lassa.

nun è ‘rrobba toja, sempe a fatte tuoje

 

chest’è ‘a legge toja.

 

 

 

INFO: Dedicato a tutti quei dominatori che Napoli ha avuto nei secoli

e che hanno pensato molto più a prendere che a dare.