A’ storia soje accummence cu Napule

è storia e dulure allucche e chiante,

carne e maciello pe capipopolo,

burbune, francise, giacubbine e piemuntise.

 

'O lazzaro e figlio d’o’ popolo è spavaldo ed è cresciuto

ampresse ampresse e nun tene mai padrone.

 

E nun tene legge, dorme quanno tene suonno,

magne quanno tene famme e nun tene mai padrone.

 

Beve quanno tene sete, nun tene penziere

n’se ne fotte de re e regine e nun tene mai padrone.

 

Era curiosità pe viandante

crede a libbertà a napule e San Gennaro.

Pe magnà l’abbasta quacche file e maccarune,

o’ tetto e sotto o’ cielo e nun tene mai padrone.

Pe durmì l’abbasta na spasella e pe viaggià

ogni carrozza è bbona e nun tene mai padrone.

 

Ha ispirato cinema, teatro, avventure,

poete e pitture e nun tene mai padrone.

 

A mano è cchiù lesta d’ò penziere, avuote all’uocchie

e t’arravoglia dint’à mezzora e nun tene mai padrone.

 

Isso nun va mai e pressa, s’accuntente e tutto

campe oggi pe dimane e nun tene mai padrone.

 

A’ storia soje accummence cu Napule

è storia e dulure, allucche e chiante,

resate e pazzie d’eroismo, e fantasia,

d’arruobbe e filosofia.

Quann’è stanco e s’arrupusà  fatica

e simbul’è miseria e famme,

carne e maciello pe capipopolo,

burbune, francise, giacubbine e piemuntise.

 

Lazzaro a ccà, lazzaro a llà a storia d'o lazzaro è chesta ccà!

 

 

 

 

INFO: “O’ lazzaro nun tene mai padrone”, dedicato al personaggio forse più rappresentativo del popolo campano: l’antico scugnizzo.